ചുവന്ന അക്ഷരങ്ങള്
പ്രണയം കോറിയിട്ട
കടലാസ്സില്
കണ്ണീര്ത്തുള്ളികള്
മുഖമിട്ടുരയ്ക്കുകയാണ്.
പുറത്ത്, തുലാവര്ഷം
ആകാശത്തൊരു പത്തായം
വലിയ ശബ്ദത്തില്
തുറക്കുകയും,
ഭൂമിയുടെ മൂന്ന്-നാല്
ഫോട്ടോയെടുക്കുകയും
ചെയ്തു.
തെക്കേയറയില്
നിന്നിറങ്ങിവന്ന ചുമയെ
വാതില് വലിച്ചടച്ച്
അവള് അറയിലേക്കുതന്നെ
ആഞ്ഞുതള്ളി; അടുപ്പിലെ
പുകയൂതുന്നതിനിടെ
പുകതട്ടി കണ്ണിലൂറിയ
കണ്ണീരിനെ അവളുടെ
സങ്കടത്തിനു കൂടെച്ചേര്ത്ത്
പച്ചവിറകിനെ പ്രാകി.
മണ്ണെണ്ണവിളക്കില്
ശരിക്ക് കണ്ണുതിരിയാതെ
അവളുടെ പ്രണയം
ഇരുട്ടിലേക്ക്
തെന്നിവീഴുമ്പോള്,
ഏകാന്തതയുടെ
മുനമ്പിലേക്ക് കയറുന്ന
മൗനം അടുപ്പില്
നീറിപുകയുകയും
മഷിയുണങ്ങാത്തൊരു
പ്രണയലേഖനം
മുറ്റത്തുകൂടി
തെക്കേത്തൊടിയിലേക്ക്
തോണിയായി ഒഴുകുകയും
ചെയ്തു !!
പ്രണയം കോറിയിട്ട
കടലാസ്സില്
കണ്ണീര്ത്തുള്ളികള്
മുഖമിട്ടുരയ്ക്കുകയാണ്.
പുറത്ത്, തുലാവര്ഷം
ആകാശത്തൊരു പത്തായം
വലിയ ശബ്ദത്തില്
തുറക്കുകയും,
ഭൂമിയുടെ മൂന്ന്-നാല്
ഫോട്ടോയെടുക്കുകയും
ചെയ്തു.
തെക്കേയറയില്
നിന്നിറങ്ങിവന്ന ചുമയെ
വാതില് വലിച്ചടച്ച്
അവള് അറയിലേക്കുതന്നെ
ആഞ്ഞുതള്ളി; അടുപ്പിലെ
പുകയൂതുന്നതിനിടെ
പുകതട്ടി കണ്ണിലൂറിയ
കണ്ണീരിനെ അവളുടെ
സങ്കടത്തിനു കൂടെച്ചേര്ത്ത്
പച്ചവിറകിനെ പ്രാകി.
മണ്ണെണ്ണവിളക്കില്
ശരിക്ക് കണ്ണുതിരിയാതെ
അവളുടെ പ്രണയം
ഇരുട്ടിലേക്ക്
തെന്നിവീഴുമ്പോള്,
ഏകാന്തതയുടെ
മുനമ്പിലേക്ക് കയറുന്ന
മൗനം അടുപ്പില്
നീറിപുകയുകയും
മഷിയുണങ്ങാത്തൊരു
പ്രണയലേഖനം
മുറ്റത്തുകൂടി
തെക്കേത്തൊടിയിലേക്ക്
തോണിയായി ഒഴുകുകയും
ചെയ്തു !!
No comments:
Post a Comment